Vriedig 12 fibberwarie om 20:11 oere (via Zoom)

Phil-bingo/-quiz/-Zoomzitting (PBQZZ)

Mitdoon kos €5,11, daoveur krieg geer eine sjone aovend én ein Philzitting-tuut, vol mit ein bingokaart en get lekkesj veur de inwendige minsj. Dees tuut wurt gratis thoesgebrach.

 

€5,11 p/s

s

Aanmelje kent pes maondigmörge 8 fibberwarie 11:11 oere.

Dag(en)

:

Uur(s)

:

Minute(s)

:

Second(s)

Leif luuj van de Phil,

Zo wie geer weit wurt d’r op os sjone Phillokaal in de Gats jedere lètste vriedig veur de vastelaovend ein Philzitting gehawte.

Waat begoosj is es ein klein biejeinkoms mit get sjaele kal, laammaekerie, ei gout glaas beier en richtige awwerwètse vastelaovesmeziek is oetgegruid pès ’t sjoonste evenement in Zitterd van dae vriedig en veur sommige luuj van de ganse vastelaovend.

Aevel, veer houve uch neit te vertelle dat dit jaor alles angesj is. De Eigewieze Raod haet get bedach om toch same de vastelaovend te kenne viere. Veer höbbe gemeind online via Zoom ein biejeinkoms te hawte op vriedig 12 fibberwarie om 20:11 oere: De Phil-bingo/-quiz/-Zoomzitting (PBQZZ), mit väöl sjpas en ammezase. ’t Zal gein tradisjenele Philzitting zeen, mer de allerwichtigste dènger zulle waal trukkomme. Tegeliekertied wurt d’r ouch eine quiz gehawte mit quizmaster Paul en bingo gesjpeeld mit Lejao, mit (haopelik) sjoon prieze. ‘t Philtrio kent helaas neit mitdoon, want die zeen mit eine man teväöl (althans veur ’t RIVM). Mer ouch aan get meziek is gedach; Ton Meise en Lejao zulle dao veur zörge.

Mit anger weurd, geer zeet van harte oetgeneudig veur dees Phil-bingo/-quiz/-Zoomzitting (PBQZZ). Mitdoon kos €5,11, daoveur krieg geer eine sjone aovend én ein Philzitting-tuut, vol mit ein bingokaart en get lekkesj veur de inwendige minsj. Dees tuut wurt gratis thoesgebrach. Aanmelje veur mit te kenne doon kent via ongersjtaonde link, pes maondigmörge 8 fibberwarie 11:11 oere.

Veer realiseiere os dat ’t kort daag is, mer de Philzitting is noe einmaol ein súkses gewore door improvezase en flexibel zeen. Gaer zeen veer jederein op vriedig 12 fibberwarie vanaaf 20:11 oere. Uch ein bitsjke verkleije, mit ein roo naas of ‘n huidje is wilkóm, om zo ouch aan de vastelaovesgeis te dènke.

 

Belaef oetneudigend,

Nachvors Skip de lètste, de Eigewieze Raod van de Philhermenie, Paul en Lejao